ჩაშენებული წიგნები SCRIBD

среда, 18 сентября 2013 г.

ორიონი: მყარი გამონათქვამები

ორიონი: მყარი გამონათქვამები: სტილისტურ შეცდომათა ერთ ჯგუფს ქმნის მყარ გამონათქვამთა აღრევა, შერევა. უნდა ვიცოდეთ და დავიმახსოვროთ შემდეგი წყვილები: ბოდიში მოუხადა –...

среда, 11 сентября 2013 г.

რა არის სამშობლო

რა არის სამშობლო, როგორ აღვიქვამთ მას
ჩვენი სამშობლო არის ჩვენი გენი, ჩვენი ენა, ღვთისა და მოყვასისადმი გამოვლენილი ჩვენი სიყვარული, ჩვენი წარსული, აწმყო და მომავალი
საქართველო არის ჩვენი მოგებული თუ წაგებული ბრძოლები, წინაპართა დადებითი და უარყოფითი თვისებები
საქართველო არის მტკიცე ოჯახი, ნათესავების თანადგომა და მათი კავშირი
საქართველო არის ქვეყანა, სადაც მეგობრისთვის თავს სწირავენ და სადაც მეზობელი ოჯახის წევრად არის მიჩნეული; სადაც ნათელ-მირონობა და ძმადნაფიცობა სისხლისმიერ ნათესაობაზე მეტია.
საქართველო ჩვენი უნიკალური ფლორა და ფაუნაა, ჩვენი მთა და ჩვენი ბარია, ჩვენი უდაბნოა, ჩვენი წყალი და ზღვაა.
საქართველო ურღვევია, როგორც კვართი უფლისა!
თითოეული ჩვენგანი ატარებს მას. საქართველო მე ვარ, იგი ჩემშია და მე მასში!

სრულიად საქართველოს კათოლიკოს-პატრიარქი ილია
II

ხუჭუჭულა.. (ჩოხელი.. )



- ბებო, ყველი მინდა, ყველი! - ითხოვდა ხუჭუჭულა.
- მარხვაა, ბებო, მარხვა, - გული უდნებოდა მკერდში ბებიას.
- მარხვა რა არის?
- ღმერთის დღეებია, ბებო გენაცვალოს.
- ღმერთის დღეებში ყველისა და ერბოს ჭამა არ შეიძლება, ბებო?
- არა, არ შეიძლება.
- არც კვერცხის? - ახლა კვერცხი მოუნდა ხუჭუჭულას.
- არც კვერცხის, ბებო.
- და არც რძის დალევა არ შეიძლება, ბებო?
- არც რძისა.
- ჩიჩია, ბებო?
- არც ჩიჩია, ბებო გენაცვალოს! _ უფრო და უფრო უდნება პატარა ბიჭის საცოდაობით მოხუცს მკერდში ცხოვრებისაგან ისედაც დალეული გული.
- როცა ჭამა შეიძლება, მაშინ ღმერთის დღეები არ არის, ბებო?
- მაშინაც ღმერთის დღეებია, ოღონდ სამხიარულო დღეები.
- ყველა დღე ღმერთის დღეა?
- ხო, ბებო, ყველა დღე ღმერთის დღეა, დაილოცოს იმის სამართალი.
- ჩვენც ღმერთმა გაგვაჩინა.
- მაშ!
- ხან ჭამეთ და ხან არ ჭამოთო? - ისე კითხულობს ხუჭუჭულა, ეტყობა შია.
ბებიამ სკივრში გადანახული კაკალი ამოუღო და უბე გაუვსო.
სიხარულით ცას ეწია ხუჭუჭულა.
- კაკალი სულმუდამ ჭამეთო ბებო? - სიხარულჩამდგარი თვალები შეანათა ბებიას.
- ჰო, გენაცვალოს ბებო, ჩემო ხუთკუნჭულა ბიჭო! - ხმაშიც და გულშიც სითბო ჩაუდგა ბებოს.
კაკლით, ჩირით, თხილით და სხვადასხვა სასუსნავით გაასრულა ხუჭუჭულამ თავისი პირველი მარხულობა.


воскресенье, 8 сентября 2013 г.

შარდენზე


2013 წლის 7 აგვისტო . ძალიან ლამაზი დღე გავატარე, ჩემს ორ მეგობართან_ მანანასთან და მაიკოსთან ერთად.
მე და სანდრო ე.წ. .. ,,თბილისი მოლში" ვიყავით ,ბევრი ვერაფერი ვნახეთ სახარბიელო. სანდროს მოშივდა და იქვე ვუყიდე ხორციანი ღვეზელი , რა თქმა უნდა ,,ოთოს ბირად" :))) , ვიყიდეთ პატარა , მინი-მაყალი 7,50 ლ-ად და გამოსვლის დროს საუცხოო სურნელოვანი ორნაირი ჩაი _ რა თქმა უნდა ისიც ,,ოთოს ბირად "__ბავშვობაში მესმოდა ეს გამოთქმა უფროსებისგან :)) ზუსტი თარგმანი [თუ არსებობს ასეთი ] არ ვიცი, მაგრამ ისე ძალიან ძვირს ნიშნავს. გოგოები უნდა მოსულიყვნენ ჩემთან და ამიტომ ვჩქარობდი...,,კერიაში " გავიარეთ,  ნუცუბიძეზე , გზად , იქიდანაც უკმაყოფილო წამოვედი__არ მომცეს , წინასწარ უნდა მოგვცეთ შეკვეთაო მითხერეს.  ...მოკლედ, როგორც იქნა მივაღწიე  რუსთაველის გამზირზე , გოგოები ჩავისვი მანქანაში და  კოლმეურნეობაზე ჩამოვედით,შარდენზე გვინდოდა გავლა...გაგრძელება იქნება
რა გემრიელად იცინიან :)